Cyfarfod Gwynllyw (7.4.2014):
8th April 2014
Dyma rai o’r pethau a drafodwyd yn y cyfarfod ar gyfer rhieni neithiwr:
Y wisg ysgol:
Dosbarthwyd rhestr o’r wisg ysgol a’r wisg ymarfer corff i bawb ond pwysleisiwyd nad oes angen prynu’r wisg trwy Ysgol Gyfun Gwynllyw – gellid prynu eitemau o’r wisg mewn siopau eraill.
Os ydych chi eisiau archebu’r wisg trwy’r ysgol, danfonwch y ffurflen archebu yn ôl i Wynllyw.
Mae rhai eitemau o ddillad yn cael eu gwerthu yn y siop ‘Rugger bug’ yn Ystrad Mynach.
Taith i Lanllyn:
Rhoddwyd gwybodaeth am daith blwyddyn 7 i Lanllyn yn ystod wythnos gyntaf mis Medi. Cost y daith eleni yw £185 a bydd hwn yn cynnwys costau teithio, llety, bwyd a holl weithgareddau’r gwersyll.
Dyddiad i’w nodi:
Gwahoddir holl rieni’r ysgol i Ysgol Gyfun Gwynllyw ar nos Iau, Mehefin 26ain er mwyn talu am Lanllyn a thalu am y wisg ysgol ayyb.
Dylai pob un ohonoch chi dderbyn gwybodaeth am fws i’ch plentyn erbyn diwedd mis Mai.
Os ydych chi eisiau mwy o fanylion am unrhyw beth, cysylltwch gyda Miss Passmore yn yr ysgol.
Diolch.