Arddangosfa Gelf Ysgol Gymraeg Cwmbrân:

Mae’r disgyblion wrthi’n brysur yn creu darnau celf godidog, ac rydym yn sicr y byddwch wrth eich boddau pan welwch eu lluniau hyfryd. Mae’r achlysur arbennig hwn yn un o uchafbwyntiau’r flwyddyn ysgol ac rydym ni’n gwybod y bydd y plant wrth eu boddau yn dangos eu gwaith. Bydd y lluniau yn cael eu fframio a’u harddangos yn broffesiynol, er mwyn i chi gerdded o gwmpas ein horiel gelf.

Bydd gwaith celf eich plentyn ar gael i’w brynu a bydd canran o’r elw yn mynd tuag at yr ysgol. Mae’n gyfle i chi fynd adre â chofnod gwerthfawr o waith eich plentyn neu efallai y gallech ei roi fel anrheg i aelod o’r teulu. Pris y lluniau wedi’u fframio fydd £10.00 yr un.

Nid oes rhaid prynu’r lluniau, ond os ydych chi’n bwriadu dod am dro, bydd yr arddangosfa rhwng
3:00 yh a 5:00yh ar ddydd Mercher yr 22ain o Dachwedd. Ni fydd yr arddangosfa yn achlysur blynyddol, felly dewch â’ch teulu a’ch ffrindiau.

Edrychwn ymlaen at eich gweld chi yno.